სოხუმის დაცემის დღესთან დაკავშირებით დღეს გორში დილიდიან სხვადასხვა ღონისძიებები მიმდინარეობს. საქართველოს თავისუფლებისა და ტერიტორიული მთლიანობისთვის დაღუპულ გმირთა მემორიალთან გორისა და ატენის მიტროპოლიტმა მეუფე ანდრიამ აფხაზეთის ომში დაღუპულთა მოსახსენიებელი პარაკლისი გადაიხადა. ცერემონიას ადგილობრივი ხელისუფლების , აფხაზეთის ომის ვეტერანები და ქვეყნის ტერიტორიული მთლიანობისთვის ბრძოლაში დაღუპულთა ოჯახის წევრები დაესწრნენ. პარაკლისის დასრულების შემდეგ ადგილობრივი ხელისუფლების წარმომადგენლებმა გმირთა მემორიალი გვირგვინებით შეამკეს და მათ ხსოვნას წუთიერი დუმილით პატივი მიაგეს. დამსწრეთათვის კულტურის ცენტრის აღსაზრდელებმა მცირე ღონისძიებაც გამართეს. მოგვიანებით კი ვეტერანების საპატივსაცემოდ გაიმართა სადილი.

დღის ბოლოს 19:00 საათზე გორის თეატრში პრემიერა გაიმართება „კამანის გულწითელა თეთრი მტრედი“. სპექტაკლი ეხმიანება აფხაზეთის ომის თემას.

გიორგი ახალკაცი „ნიუპოსტი“ გორი