,,უკვდავების გადაძახილი" - დღეს საღამოს გმირთა მოედანზე აქცია გაიმართება

საზოგადოება - 16:33, 26 Sep, 2014

1797

სოხუმის დაცემის დღესთან დაკავშირებით, დღეს საღამოს ,,აფხაზთა კრების" მინაწილე ახალგაზრდული ორგანიზაციების თაოსნობით გმირთა მოედანზე აქცია გაიმართება. აქციას უერთდებიან საზოგადოებრივი და პოლიტიკური ჯგუფები. აქცია დღეს საღამოს 20:30 საათზე დაიწყება და ახალგაზრდები ხმამაღლა წაიკითხავენ აფხაზეთში ტერიტორიული მთლიანობისათვის დაღუპული გმირების გვარ-სახელებს.

,,საქართველოს ტერიტორიული მთლიანობისათვის ბრძოლაში დაღუპულთა ხსოვნის უკვდავსაყოფად ,,აფხაზთა კრების" მინაწილე ახალგაზრდული ორგანიზაციების თაოსნობით ,,აფხაზთა კრების" წინა დღეს 26 სექტემბერს გმირთა მოედანზე მემორიალთან ტარდება აქცია ,,უკვდავების გადაძახილი", სადაც პიროვნულად მოვიხსენიებთ სამშობლოსათვის თავდადებულებს. რუსეთ- საქართველოს ომებში დაღუპულთა სიის წაკითხვა, გარდა აქციის მონაწილე ორგანიზაციების წევრებისა, შეეძლებათ ყველა მსურველს. მოვიხსენიოთ ჩვენი გმირები, მობრძანდით ,,უკვდავების გადაძახილზე" და ამით საფუძველი ჩავუყაროთ ახალ მამულიშვილურ ტრადიციას“, - აცხადებენ აქციის ორგანიზატორები.

საკონტაქტო პირები-ბესიკ ექსეულიძე (მობ.:598-54-61-15); მალხაზ პატარაია (593-73-75-57)