უხელფასობას არა! ნეპოტიზმს არა! ცენზურას არა! სანიკიძე წადი!

უხელფასობას არა! ნეპოტიზმს არა! ცენზურას არა! სანიკიძე წადი! - პედაგოგების აქცია

საზოგადოება - 13:12, 26 Sep, 2014

1928

,,საქართველოსა და განათლების სამინისტრო ამ დრომდე ყურად არ იღებს ჩვენი, ანუ საქართველოს პედაგოგიური საზოგადოების არცერთ მოთხოვნას, არ ითვალისწინებს ჩვენ უმძიმეს სოციალურ მდგომარეობას და ჯიუტად აგრძელებს პედაგოგთა კორპუსის ღირსების შემლახველ პოლიტიკას. პედაგოგთა აბსოლუტური უმრავლესობის აზრის სრული იგნორირებით სამინისტრომ პარლამენტში კანონპროექტის სახით მაინც წარადგინა მასწავლებლის პროფესიში შესვლის, განვითარებისა და კარიერული ზრდის ახალ სქემა; სამინისტრო არ დგამს ქმედით ნაბიჯებს პედაგოგთა საბაზო ხელფასის ზრდასთან დაკვაშირებით; არ გვცნობს პედაგოგებს; სამინისტრო უხეშად აგრძელებს ნეპოტისტურ პოლიტიკას და საბიუჯეტო თანხების დიდი რაოდენობით ხარჯვას... ყოველივე ზემოთქმულიდან გამომდინარე, მე, როგორც პედაგოგთა საკოორდინაციო ცენტრის ხელმძღვანელი ვიღებ სპონტანურ გადაწყვეტილებას და დღეიდან გადავდივარ პროტესტის მომდევნო ეტაპზე. საპროტესტო მჯდომარე აქციას დავიწყებ დღეს, 26 სექტემბერს 3 საათზე განათლებისა და მეცნიერების სამინისტროს წინ. ვითვალისწინებ, რომ ჩემ კოლეგებს, პროფესიულ მოვალეობის შესრულებით გადაღლილებს და უფრო მეტად კი „ზემდგომთაგან“ ზეწოლის გამო, შესაძლოა, გაუჭირდეთ საპროტესტო განწყობის გამოხატვა, ამიტომ პროტესტს ექნება ერთი პედაგოგის აქციის ფორმა, თუმცა, ეს არ გამორიცხავს სოლიდარული ჯგუფების შემოერთებას.

ეს იქნება ერთი პედაგოგის აქცია ყველა პედაგოგისთვის, განათლების გადარჩენისთვის!

მოვუწოდებ მასობრივი ინფორმაციის საშუალებებს განათლების გადარჩენის მიზნით დადგნენ ჩვენ გვერდით!

ჩვენი მთავარი მოთხოვნებია:

უხელფასობას არა! ნეპოტიზმს არა! ცენზურას არა! სანიკიძე წადი!“, - ნათქვამია პედაგოგთა საკოორდინაციო ცენტრის განცხადებაში.