მეტროსადგურ ვაჟა ფშაველაზე, კიდევ ერთი ახალი ხაზის მშენებლობა იგეგმება. - ამის შესახებ განცხადება თბილისი მერმა დავით ნარმანიამ გააკეთა.

მერის განცხადებით, ტენდერი უკვე დასრულებულია და მიმდინარეობს იმ კომპანიების მოძიება, რომლებიც სამუშაოებს დაასრულებენ.

ნარმანიას ინფორმციით, მოხდება მთლიანად მთელი მეტროსადგურის რეორგანიზაცია და ექსკალატორების გამოცვლა.

„მიმდინარეობს კომპანიის შერჩევა, მუნიციპალური განვითარების ფონდის და აზიის განვითრების ბანკის მიერ, რომლის დასრულების შემდეგ დაიწყება დამატებითი მეტროსადგურების მშენებლობის პროექტი. დაახლოებით ორი კვირის წინ შევხვდი აზიის განვითარების ბანკის წარმომადგენელს, რომლებთანაც ამ პროექტთან დაკავშირებით გვქონდა საუბარი და ამ პროექტის განხორციელებას წინ არაფერი არ უდგას. მოძველებულია მეტროსადგურებში მართვის სისტემები, ექსკალატორები და ა.შ. შესაკეთებელია რამდენიმე მეტროსადგური, ამიტომ საკმაოდ მნიშვნელოვანი ინსვეტიცია დაგვჭირდება“,- განაცხადა დავით ნარმანიამ.