გურიაში, სტიქიის ზონაში, სამაშველო-გაწმენდითი სამუშაოები მიმდინარეობს. ადგილზე შინაგან საქმეთა სამინისტროს საგანგებო სიტუაციების მართვის დეპარტამენტის სამაშველო ჯგუფები და საპატრულო პოლიციაა მობილიზებული.

ადგილზე გაწმენდითი სამუშაოები სპეციალური ტექნიკის გამოყენებით მიმდინარეობს, რომელიც წყლის სათაო ნაგებობაზე ასრულებს აღდგენით სამუშაოებს.

„გურიაში დღეისათვის სტაბილური სიტუაციაა, ჩართულია შინაგან საქმეთა სამინისტროს სხვადასხვა დანაყოფები, საგანგებო სიტუაციების დეპარტამენტი, საპატრულო პოლიცია, გურიის მთავარი სამმართველო. პირველადი დახმარება დაზარალებულებს რა თქმა უნდა გაეწიათ როგორც აჭარაში, ასევე გურიაში“, - განაცხადა შს მინისტრის მოადგილემ ვახტანგ გომელაურმა.