მენინგიტის ორი შემთხვევა გამოვლინდა, ზესტაფონის რაიონის სოფელ საზანოს სკოლაში. ბავშვები სხვადასხვა ასაკის მოსწავლეები არიან. ერთს ვირუსული, მეორეს კი ბაქტერიული მენინგიტი დაუდგინდა.

სპეციალისტების თქმით ეს ბოლო რამდენიმე დღის განმავლობაში უკვე მეათე შემთხვევაა. ისინი არ გამორიცხავენ, რომ შემთხვევბმა მოიმატოს.

დაავადების თავიდან ასაცილებლად, სპეციალისტები, მშობლებს, ბავშვების ჰიგიენის დაცვას ურჩევენ. რაც შეეხება საზანოს სკოლას, შემთხვევების გამო სასწავლო პროცესი არ შეჩერებულა. შენობაში სადეზინფექციო სამუშაოები ჩატარდა.

დაავადებულ მოსწავლეთა ჯანმრთელობის მდგომარეობა კი ექიმების შეფასებით, დამაკმაყოფილებელია.