„ახალგაზრდა დიპლომატთა ლიგა“ 27 სექტემბერს დაგეგმილ ,,აფხაზთა კრებას“ უერთდება

საზოგადოება - 11:20, 26 Sep, 2014

1855

,,ნიუპოსტი“ ორგანიზაციის განცხადებას უცვლელად გთავაზობთ

,,როგორც უკვე კარგად ცნობილია, მოძრაობა ,,დაბრუნების“ ინიციატივით 27 სექტემბერს, ჭადრაკის სასახლეში ჩატარდება აფხაზთა კრება, რომელმაც უნდა განიხილოს აფხაზეთის უმაღლესი საბჭოს ახალი არჩევნებისა და მთავრობის პასუხისმგებლობის საკითხები. აღნიშნულ კრებას სრულ მხარდაჭერას უცხადებს არასამთავრობო ორგანიზაცია „ახალგაზრდა დიპლომატთა ლიგა“ , ჩვენ ვიზიარებთ მოძრაობა დაბრუნების ინტერესებს და ვიღებთ მონაწილეობას აფხაზთა კრებაში, მიგვაჩნია, რომ აფხაზეთის უმაღლესი საბჭოს ახალი არჩევნები წარმოადგენს გადაუდებელ სახელმწიფოებრივ საკითხს, რათა აფხაზეთის დევნილ მოსახლეობას ჰყავდეს მათი ინტერესების დამცველი ქმედითი წარმომადგენლობითი ორგანო, რომელიც იზრუნებს მათ აფხაზეთში დაბრუნებაზე, აღსანიშნავია ის ფაქტიც, რომ აფხაზეთის საკითხზე განსაკუთრებული როლი აკისრიათ ახალგაზრდებს , აფხაზეთის თემა მეტად მნიშვნელოვანი და პრიორიტეტული უნდა გახდეს მომავალი თაობისთვის და ჩვენ უნდა მოგვეცეს მეტი შესაძლებლობა იმისთვის, რომ ვიბრძოლოთ აფხაზეთის დაბრუნებისთვის, ამიტომ კანონის სრული დაცვით უნდა ავირჩიოთ უმაღლესი საბჭოს ახალი შემადგენლობა რომელიც დაკომპლექტებული იქნება პასუხისმგებლიანი, გონიერი, ენერგიული არარუსეთუმე ლიდერებით ეს ქმედება იქნება საწყისი წერტილი აფხაზეთის დაბრუნების, რაშიც მნიშვნელოვან და გადამწყვეტ როლს ითამაშებენ ახალგაზრდები

ასევე გვინდა გაცნობოთ რომ საქართველოს ტერიტორიული მთლიანობისათვის ბრძოლაში დაღუპულთა ხსოვნის უკვდავსაყოფად ,,აფხაზთა კრების" მინაწილე ახალგაზრდული ორგანიზაციების თაოსნობით ,,აფხაზთა კრების" წინა დღეს 26 სექტემბერს გმირთა მოედანზე მემორიალთან ტარდება აქცია ,,უკვდავების გადაძახილი", სადაც პიროვნულად მოვიხსენიებთ სამშობლოსათვის თავდადებულებს. რუსეთ- საქართველოს ომებში დაღუპულთა სიის წაკითხვა, გარდა აქციის მონაწილე ორგანიზაიების წევრებისა, შეეძლებათ ყველა მსურველს. მოვიხსენიოთ ჩვენი გმირები, მობრძანდით ,,უკვდავების გადაძახილზე" და ამით საფუძველი ჩავუყაროთ ახალ მამულიშვილურ ტრადიციას. აქციის გაიმართება 26 სექტემბერს 20:30 სთ. გმირთა მოედანი“, - ნათქვამია ორგანიზაციის განცხადებაში.