AC / DC მე-17 სტუდიურ ალბომზე მუშაობს, ჯგუფის წევრებმა ახალი ჩანაწერის შესახებ დეტალები გაავრცელეს. Rock or Bust ბრენდონ ობრაიენმა მოამზადა, ალბომი მიმდინარე წლის პირველ დეკემბერს გამოვა. ეს იქნება პირველი ალბომი, რომლის მომზადებაშიც მონაწილეობა გიტარისტმა მალკოლნ იანგმა არ მიიღო, იგი მისმა დისშვილმა სტივიმ ჩაანაცვლა.

მიმდინარე წელს გავრცელდა ინფორმაცია იმის შესახებ, რომ იანგი ჯგუფიდან წავიდა, რადგან მას მუსიკალური პაუზის აღება სურდა. თუმცა, ჯგუფის წევრებმა გარკვეული დროის შემდეგ განაცხადეს, რომ მალკოლნის ჯანმრთელობის მდგომარეობის გამო, იგი ალბომის მზადების პროცესს ვეღარ დაუბრუნდებოდა.

Rock or Bust AC / DC-ს პირველი ალბომია 2008 წლის შემდეგ, 2008-ში ჯგუფმა ალბომი Black Ice გამოუშვა. ალბომის 8 მილიონი ეგზემპლარი გაიყიდა.