მომღერალი თამრიკო ჭოხონელიძე მიიჩნევს, რომ შს მინისტრმა ალექსანდრე ჭიაკიძემ შესაძლოა არ იცოდეს, რა ხდება მის დაქვემდებარებაში მყოფ ქვედა ეშელონებში.

მომღერალი თენგო ერისთავის ოჯახს ახასიათებს როგორც კეთილშობილებით განთქმულ ოჯახს და აცხადებს, რომ მათ ამ ხელისუფლების იმედი აქვთ და ისინი მათი მტრები არ არიან.

„ყველა ფეხზე დგას და ძალიან ბევრი ადამიანი უჭერს მას მხარს. განა მისი ოჯახის გამო, არამედ იმის გამო, რომ მართლაც უსამართლობა მოხდა. ის ხელისუფლება, რომელიც ხალხმა იძულებული გახადა წასულიყო, იმ ხელისუფლებამ სწორედ იმით მოიხვეჭა სახელი, რომ მთელი ეს მანქანა იყო ძალიან ბევრ უტიფრობაზე აგებული, აუტანლობაზე და ზიზღზე დაფუძნებული. მათ უნდათ შეკერონ ისე საქმე, რომ ჩვენ ამ ხელისუფლებას დავუპირისიპირდით, მე ესე მგონია, რომ საქმე, რომელიც ქვედა ეშელონებში კეთდება არ იციან ზედა ეშელონებში, მე რატომღაც მგონია რომ იგივე თუნდაც ჭიკაიძემ არ იცის ბევრი რამ, ისეთი რამ ხდება. ჩვენ აქ იმიტომ შევიკრიბეთ, რომ ხმა მივაწვდინოთ ამ ადამინებს, რომ არ შეიქმნას ის ილუზია, რომ ჩვენ ვართ მტრები და ხალხს არ ათქმევინონ ის, რომ აი ხედავთ ისევ და ისევ ამ ხელისუფლებას ეს ადამიანები დაუპირისპირდნენ. არაფერიც არ არის ასე, პირიქით, ჩვენ არა ვართ მტრები, უფრო მოყვარეს პოზიცია გვიჭირავს და გვინდა ვუთხრათ, რომ კარგად გამოიძიოთ ის საქმეები რომლებიც თქვენს ქვეშემრდომებს აქვთ დაწყებული",- აღნიშნა ჭოხონელიძემ "რუსთავი2"-ის ეთერში.