ხვალ, 23 სექტემბერს, 13:00 საათზე,იმერეთის რეგიონში, ადგილობრივი მნიშვნელობის ქვედა საქარა-საზანოს (კმ1–კმ14) საავტომობილო გზაზე, საქართველოს რეგიონული განვითარებისა და ინფრასტრუქტურის მინისტრი დავით შავლიაშვილი,საქართველოს საავტომობილო გზების დეპარტამენტის თავმჯდომარე ვაჟა ფანჩულიძე, იმერეთის გუბერნატორის პირველი მოადგილე ალეკო იოსებაშვილი და მსოფლიო ბანკის რეგიონული დირექტორი სამხრეთ კავკასიის რეგიონში – ჰენრი კერალი, ქვედა საქარა-საზანოს საავტომობილო გზის 13,4 კილომეტრიან რეაბილიტირებულ მონაკვეთს ოფიციალურად გახსნიან.

ასევე, ოფიციალური გახსნის შემდეგ, გაიმართება ადგილობრივ მოსახლეობასთან შეხვედრა.

ადგილობრივი მნიშვნელობის ქვედა საქარა-საზანოს საავტომობილო გზის რეაბილიტაცია 2013 წლის სექტემბერში დაიწყო,მისმა ღირებულებამ 6.532 ათასი ლარი შეადგინა. აღნიშნული მონაკვეთის რეაბილიტაცია მსოფლიო ბანკის დაფინანასებით განხორციელდა.