სპორტის მინისტრი ლევან ყიფიანი ჭიდაობის ფედერაციაში შექმნილ ვითარებას გამოეხმაურა. მისი თქმით, ამ ეტაპზე ვნებათაღელვა უნდა ჩაცხრეს და სიტუაცია სამართლებრივი ჩარჩოებიდან არ უნდა გამოვიდეს.

„რთული ვითარება შეიქმნა, მაგრამ ჩვენ ვკისრულობთ მედიატორის როლს. გადაწყვეტილება მივიღეთ, რომ ნოემბრამდე სამეთვალყურეო საბჭო შეიკრიბება და პასუხისმგებლობის გადანაწილება ფედერაციასა და საბჭოს შორის მოხდება. ამ ეტაპზე ემოციები უნდა დაცხრეს, ჩვენ არ უნდა გამოვიდეთ სამართლებრივი ჩარჩოებიდან. კონსესუსი უნდა იქნეს მიღწეული. ჩვენ მზად ვართ ვითანამშრომლოთ ყველა მხარესთან“, - განაცხადა ლევან ყიფიანმა.