საქართველოში არამდგრადი ამინდი უახლოესი დღეების განმავლობაში შენარჩუნდება. სინოპტიკოსების ვარაუდით, 24 სექტემბრიდან მთელი ქვეყნის მასშტაბით ძლიერი წვიმა და ტემპერატურის მკვეთრი დაცემაა მოსალოდნელი.

როგორც სპეციალისტები აცხადებენ, დასავლეთ საქართველოში 23 სექტემბერს მხოლოდ ერთი დღით გამოიდარებს, ქვეყნის აღმოსავლეთ ნაწილში კი კვლავ წვიმაა მოსალოდნელი.

“23 სექტემბრიდან დასავლეთ საქართველოში გამოიდარებს,ველოდებით უმეტესად უნალექო ამინდს, ტემპერატურაც შესაბამისად რამდენიმე გრადუსით მოიმატებს და იქნება 26-31 გრადუსი, ხოლო აღმოსავლეთ საქართველოს ზოგიერთ რაიონში კვლავ შენარჩუნდება ხანმოკლე წვიმა-ელჭექით, გამოიდარებს აგრეთვე თბილისშიც“,- განაცხადა ნონა ელისაშვილმა.