თურქული კომპანია „მეტრო ჰოლდინგის“ ხელმძღვანელმა საქართველოს პრემიერ-მინისტრის ინიციატივით შექმნილ „სოლიდარობის ფონდში“ 500 ათასი ლარი გადარიცხა. ჰოლდინგი ბათუმში 42 მილიონი დოლარის ინვესტიციის განხორციელებას იწყებს, რომლის ფარგლებშიც ახალი საცხოვრებელი „აპარტ-ოტელი“ და სასტუმრო აშენდება.

ამ ეტაპზე „სოლიდარობის ფონდში“ მობილიზებული 121 ათასი ლარით სოლიდური სიმსივნით დაავადებული 18 წლამდე ასაკის 15 ბავშვის მკურნალობისა და დიაგნოსტიკის თანადაფინანსება მოხდა.

სოლიდური სიმსივნის მქონე ბავშვთა აპლიკაციების მიღება ფონდში უწყვეტ რეჟიმში მიმდინარეობს. თურქული ჰოლდინგის შენატანით, სექტემბრის ბოლოსთვის ფონდის მიერ მობილიზებული თანხა 750 ათას ლარს მიაღწევს.