უკრაინამ რუბიკონი გადალახა და საბჭოთა კავშირის აღდგენის ყველა იმედი დაამსხვრია, ჩვენ ევროპელი ერი ვართ- ამის შესახებ უკრაინის პრეზიდენტმა პეტრო პოროშენკომ კანადაში ოფიციალური ვიზიტისას ტელეკომპანია СBC -ის ეთერში განაცხადა.

უკრაინის პრეზიდენტმა მადლობა გადაუხადა კანადის ხელისუფლებას გაწეული დახმარებისათვის და იმედი გამოთქვა რომ კანადა და მასთან ერთად მთელი ცივილიზებული სამყარო კვლავ გააგრძელებს უკრაინის მხარდაჭერას, როგორც პოლიტიკურ და სამხედრო, ასევე ეკონომიკურ სფეროში. პოროშენკომ ენერგეტიკულ სფეროში უკრაინის პოტენციალზე ისაუბრა და აქცენტი ფიქლის გაზის მოპოვებაზე და ბირთვული ენერგეტიკის განვითარებაზე გააკეთა.