ექიმები მთელი ცხოვრება იბრძვიან სხვისი სიცოცხლის გადასარჩენად, თუმცა არის შემთხვევები, როდესაც მათ სიცოცხლესაც ექმნება საფრთხე. ზუსტად ასეთ შემთხვევასთან გვაქვს საქმე ახალგაზრდა ექიმის - გიორგი ნიკოლეიშვილის შემთხვევაში. 2 თვის წინ 30 წლის გიორგის მოულოდნლენად სარკომის დიაგნოზი დაუსვეს.

„აპრილში მივიღე ტრავმა მარჯვენა მუხლზე. მოგვიანებით მუხლის არე შემიშუპდა და დისკომფორტი მქონდა. ვფიქრობდი, რომ მალე გამივლიდა, თუმცა შეშუპებამ იმატა... ორჯერ გავიკეთე ბიოფსია, თავიდან დამისვეს ჰისტიოციტომის დიაგნოზი, თუმცა გადამოწმების შედეგად მივიღეთ პასუხი, რომ მაქვს არადიფენცირებული პლეიმორფული სარკომა... პირველი რამდენიმე დღე მართლაც შოკში ვიყავი. ძალიან გამიჭირდა, თუმცა შემდეგ დავიწყე ფიქრო როგორ შეიძლებოდა გავმკლავებოდი ამ ყველაფერს. დღეს ძალიან იმედიანად ვარ, საკუთარი ორგანიზმის სიძლიერის და ადამიანების მხარდაჭერის იმედი მაქვს... ამ ეტაპზე ქიმიოთერაპიის მეორე კურსს ვიტარებ“, - ამბობს გიორგი ნიკოლეიშვილი „რეზონანსთან“ საუბრისას.

მისი ვარაუდით, მკურნალობის შემდეგი ეტაპი თანხის არსებობის შემთხვევაში დაიგეგმება.

„უნდა ჩატარდეს ენდოპროტოზირება, შემდეგ სხივური თერაპია. ძალიან კარგი იქნება გერმანიაში ან ავსტრიაში გამგზავრება. თუმცა იმდენად დიდ თანხაზეა საუბარი, ამას ნამდვილად ვერ გავწვდებით. ამიტომ თანხებიდან გამომდინარე, ყველაზე ხელმისაწვდომი თურქეთში გამგზავრებაა“, - აცხადებს ნიკოლეიშვილი.

მსურველებს თანხის გადარიცხვა შეუძლიათ შემდეგ ანგარიშის ნომერზე:

მიმღები ბანკი: თი-ბი-სი ბანკი

მიმღების დასახელება: გიორგი ნიკოლეიშვილი

ანგარიშწორების ანგარიში: GE35 TB79 9254 5061100001

გადარიცხვა შესაძლებელია TBC-PAY-ის საშუალებითაც - მიმღები: გიორგი ნიკოლეიშვილი; დაბადების თარიღი - 17.02.1984, პირადი ნომერი - 35001062468

წყარო: გაზეთი "რეზონანსი"