დედაქალაქის საკრებულო, უახლოეს დღეებში, ქალაქის ტერიტორიაზე ,საზოგადოებრივ სივრცეში, ხმაურზე რეგულაციების შემოღებაზე იწყებს მუშაობას. საუბარია, რესტორნებში, კლუბებეს და ბარებში ხმამაღალ მუსიკასა და ხმაურეზე. ასევე, ფეირვერკებზე, რომელსაც ხშირად ღამის საათებში ისვრიან.

სიახლის თანამხად, თუკი თქვენს მიერ შექმნილი ხმაური, დადგენილ ჩარჩოებს გასცდება და შესაბამისი სამსახურების მიერ ხულიგნობად დაკავლიფიცირდება, ამ ხმაურისთვის კანონის ძალით დაისჯებით. საკრებულოში თვლიან, რომ ღამის გარკვეულ საათებში ხმაურისაათვის ჯარიმა სოლიდური უნდა იყოს. საკითხზე საკრებულოს ურბანული დაგეგმარებისა და იურიდიული კომისიები მუშაობენ.

"ალიას" თბილისის საკრებულოს იურიდიული კომისიის თავმჯდომარე თედო კობახიძე ესაუბრა:

„სამსახურის უფლებამოსილებაშია, კონკრეტული მოქალაქის ჩივილის შემთხვევაში ადგილზე მივიდეს შესაბამისი სამსახურის წარმომადგენელი. სპეციალური ხელსაწყოს მეშვეობით გაზომოს ხმაურის დონე დეციბალებში და თუ დაადგენს, რომ ხმაური დონე ჯანდაცვის სამინისტროს მიერ დადგენილ ნორმებს სცდება (საუბარია 40 დეციბალზე), ანუ ხმაური ფიქსირდება საღამოს 23:00 საათიდან დილის 07:00 საათამდე, ასეთ შემთხვევაში ხამურის შემქმნელი დაჯარიმდება.

ხმაურს არ აქვს მნიშვნელობა. ეს მშენებლობით იქნება გამოწვეული, მუსიკით, ყვირილით თუ სიმღერით. ხმაური ხმაურია, რიგ შემთხვევებში კი ეს ხმაური ხულიგნობაა. გააჩნია, როგორ ჩარჩოებში მოვაქცევთ“,- აცხადებს თედო კობახიძე.

მისივე თქმით, ამ ეტაპზე არ არის განსაზღვრული კონკრეტული ჯარიმა. კობახიძის განცხადებით, ჯარიმა არ იქნება კაბალური, მაგრამ არც ფორმალური იქნება.

„თუ დაჯარიმებული ჩათვლის, რომ უსამრათლოდ სჯიან, ასეთ შემთხვევაში, ამ დაჯარიმებულს შეუძლია მიმართოს სასამართლოს და იქ გაარკვიოს საკითხი“,- განაცხადა საკრებულოს იურიდიული კომისიის თავმჯდომარემ თედო კობახიძემ.

გაზეთი: "ალია"