ამერიკის საკალათბურთო ნაკრები მსოფლიო ჩემპიონია. ესპანეთში გამართულ ფინალურ შეხვედრაში შეერთებული შტატების კალათბურთელებმა სერბეთი 129:92 დაამარცხეს.

ამერიკის ნაკრებმა მსოფლიოს საუკეთესო გუნდის ტიტული მეხუთედ მოიპოვა.

ჩემპიონატის საუკეთესო კალათბურთელის ჯილდო ჩემპიონი გუნდის წევრმა ირნვიგმა მიიღო, რომელმაც ფინალში 25 წუთი ითამაშა და 26 ქულა მოიპოვა.

ჩემპიონატის სიმბოლურ ნაკრებში, ირვინგთან ერთად, მისი თანაგუნდელი ფარიდი, სერბი ტეოდოსიჩი, ესპანელი გასოლი და ფრანგი ბატუმი დასახელდნენ.

მესამე ადგილი საფრანგეთის ნაკრებმა დაიკავა, რომელმაც ლიტვა 95:93 დაამარცხა.