რატომ აკრიტიკებს ბიძინა ივანიშვილი გოჩა ცქიტიშვილს და კომპანია ,,აიფიემს“

საზოგადოება - 12:54, 15 Sep, 2014

4944

ეს კვლევები ბევრჯერ შემიფასებია. ამ ინსტიტუტს ვაფასებ და პატივს ვცემ, მაგრამ კვლევების თემა ბევრ კითხვას ბადებს, - ექსპრემიერი ბიძინა ივანიშვილი ,,კვირის პალიტრასთან“ ექსკლუზიური ინტერვიუში NDI-ის კვლევებთან დაკავშრებით საუბრობს. ივანიშვილი „აიფიემის“ დამფუძნებელს გოჩა ცქიტიშვილს აკრიტიკებს და ამბობს, რომ NDI-ის კვლევებს სწორედ ეს კომპანია უტარებს.

ცნობისათვის ამერიკის ,,ეროვნულ დემოკრატიული ინსტიტუტის“ - NDI-ის კველვებს საქართველოში აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს CRRC-საქართველო.

,,ამ კვლევებს, თუ არ ვცდები, ცქიტიშვილი (გოჩა ცქიტიშვილი, კომპანია „აიპიემის“ დამფუძნებელი) ატარებს, რომელიც, პრაქტიკულად, „ნაციონალური მოძრაობის“ წერვია, გასაგებია, რატომ მოუნდა ასე დალაგება და რატომ მოუნდათ, ასე წარმოეჩინათ (რეიტინგები). ამაზე საზოგადოებამ იმსჯელოს. ჩვენ პრეზიდენტ მარგვლეაშვილზე ვსაუბრობდით და თქვენ ნახეთ, როგორ აკენკა „ნაციონალური მოძრაობის“ დალაგებული (რეიტინგები). თვითონ, თუ არ ვცდები, უარი განაცხადა კომენტარზე , მაგრამ რამდენჯერმე ასეთი რეაქცია ჰქონდა - კარგია, რომ მისი რეიტინგი იზრდება. პრეზიდენტმა მარგვლეაშვილმა რომელიც აპირებს , მთავრობისა დ აპარლამენტის კონკურენტი იყოს მშვენივრად ისარგებლა „ნაციონალური მოძრაობის“(რომელიც ასევე მთვრობისა და პარლამენტის კონკურენტია) გადაგდებული რაღაც ჯილდოთი, თუმცა, მანაც და მთელმა საზოგადოებამ მშვენივრად იციამ რეალურდ ვინ ხატავს ამ რეიტინგებს“, - განაცხადა ბიძინა ივანიშვილმა.

შეგახსენებთ, რომ NDI-ის მიერ აგვისტოს თვეშუ ჩატარებული პოლიტიკური კვლევის თანახმად, პრეზიდენტი მარგველაშვილი მოწონების რეიტინგში ექსპრემიერს ბიძინა ივანიშვილს უსწრებს.