ძლიერი წვიმისა და სეტყვის შედეგად ადიგენის რაიონის რვა სოფელი დაზარალდა. ადგილობრივი მოსახლეობის თქმით, მოსავალი თითქმის განადგურებულია. დატბორილია ნაკვეთები, საკარმიდამო ეზოები, სარდაფები და სახლები.

ძლიერმა წვიმამ, რომელიც დაახლოებით ნახევარი საათი გაგრძელდა, საცხოვრებელი სახლების სახურავები და ინფრასტრუქტურა დააზიანა.

შეზღუდული იყო საავტომობილო მოძრაობაც. მოსახლეობა სანიაღვრე სისტემის მოწესრიგებას ითხოვს.

ზარალის ოდენობას სპეციალური კომისია დაითვლის.