გუშინ ძლიერი წვიმის შედეგად, რუსთავში ცენტრალური გამზირი და რამდენიმე უბანი დაიტბორა. უამინდობის გამო შეფერხებული იყო საავატომობილო მოძრაობა. ასევე შეიზღუდა ელექტროენერგიის მიწოდება. წვიმის შედეგად დაგროვილმა ქარმა მაღაზიები და სარდაფები დატბორა.

წუხანდელი ძლიერი წვიმის შედეგად მიყენებული ზარალის დათვლას რუსთავის მერიის სპეციალური კომისია დილიდან შეუდგა. დატბორილი ქუჩებიდან, სარდაფებიდან და ეზოებიდან წყლის ამოტუმბვას მთელი ღამის განმავლობაში აწარმოებდა რუსთავის სამაშველო სამსახურის სრული შემადგენლობა. ადგილზე მობილიზებული იყვნენ მაშველები და საპატრულო პოლიცია.