133-ე საჯარო სკoლის მოსწავლეებს სასწავლო პროცესის დაწყება მიულოცა განათლების მინისტრმა თამარ სანიკიძემ.

მინისტრმა იმ დაგეგმილ სიახლეებზეც ისაუბრა, რომელიც 2014 წლის სასწავლო პროცესიდან დაიწყება.

„ყველას მივულოცავ სწავლის დაწყებას საჯარო სკოლებში. წელს, ზოგადი განათლების ნაწილში გვაქვს ძალიან ბევრი და კარგი სიახლე, სიხალეები არის როგორც ინფრასტრუქტურის და სკოლების მატერიალურ-ტექნიკური ბაზების მოწესრიგების კუთხით ასევე სიახლეების არის ეროვნულ სასწავლო გეგმაში. ჩვენ წელს დავამატეთ ექიმის კაბინეტები და ექიმის მომსახურება, რომელიც ძალიან მოთხოვნადი იყო. ეროვნულ სასწავლო გეგმაში ცვლილებები შეეხება მეორე უცხო ენის სწავლებას“,- განაცხადა თამარ სანიკიძემ.

• 2014-2015 აკადემიური წლისათვის ეროვნულ სასწავლო გეგმაში უკვე განხორციელებულია დაგეგმილი ცვლილებების ნაწილი, მათ შორის: მეორე უცხო ენის სწავლება სავალდებულო გახდა მე-5 კლასიდან ნაცვლად მე-7-კლასისა, განისაზღვრა სადამრიგებლო საათის თემატიკა დაწყებით კლასებში, ის ორიენტირებული გახდა წიგნიერების დონის ამაღლებასა და ანალიტიკური აზროვნების განვითარებაზე.

• გრძელდება უფასო სასკოლო სახელმძღვანელოების პროგრამა. 2014 წლის სექტემბრიდან 500 000-მდე მოსწავლე უზრუნველყოფილი იქნება სასკოლო სახელმძღვანელოებით.

• სასკოლო ავტობუსები მოემსახურება 1000-ზე მეტ სკოლას. შესაბამისად ტრანსპორტის მომსახურებით ისარგებლებს 53 000-ზე მეტი მოსწავლე.

• სექტემბრიდან სკოლებში სამედიცინო კაბინეტი ამოქმედდება საპილოტე რეჟმში.

• ფსიქოლოგის მომსახურებაზე 700-ზე მეტი სკოლის მოთხოვნის საფუძველზე, დაიგეგმა ფსიქოლოგიური ცენტრების საქმიანობის გადახედვა-გაფართოება.