ტელეკომპანია “იმედიდან” თანამშრომელთა მასიური გათავისუფლება იგეგმება. „ნიუპოსტის“ ინფორმაციით, ცვლილებები საინფორმაციო სამსახურის უფროსის მოვალეობის შემსრულებლის ნათია აბრამიას მისვლის შემდეგ დაიწყო.

როგორ ცნობილია, რამდენიმე თანამშრომელმა არხი საკუთარი გადაწყვეტილების საფუძველზე უკვე დატოვა.

შემდეგი კანდიდატები, ვინც ტელეკომპანია „იმედს“ დატოვებენ, სავარაუდოდ ის ჟურნალისტები იქნებიან, ვინც პირად მეილზე ხელმძღვანელობისგან შემდეგი სახის შენიშვნა მიიღო - „თქვენი მუშაობა არ მოგვეწონა“.

არხზე რჩებიან ჟურნალისტები: გურამ როგავა, ვასილ დაბრუნდაშვილი, სანდრო ჯუფალაკიანი, თამარ ჩიხლაძე და მიშა ფეიქრიშვილი. აბრამიას ინიციატივით შესაძლოა „იმედში“ ტელეკომპანია „მაესტროს“ რამდენიმე ჟურნალისტი გადავიდეს. მისივე მოწვევით არხზე უკვე გადავიდნენ „საზოგადოებრივი მაუწყებლის“ ჟურნალისტები: ქეთი ბოჯგუა და სოფო ოხანაშვილი.