ქობულეთში მომხდარ ინციდენტს საქართველოს საპატრიარქო საგანგებო განცხადებით ეხმაურება.

საპატრიარქოში ფაქტის მორწმუნე მუსლიმთა რელიგიური გრძნობების უხეშ შეურაცხყოფაზე საუბრობენ და ამბობენ, რომ მათი ქმედება მიუღებელია, თუმცა საპატრირქოსთვის ასევე მიუღებელია მოსახლეობის ნების საწინააღმდეგოდ და ხელისუფლებასთან შეუთანხმებლად ისლამური სკოლა-პანსიონის აშენება.

„მიგვაჩნია, რომ გუშინ ქობულეთში მომხდარი ფაქტი მორწმუნე მუსლიმთა რელიგიური გრძნობების უხეში შეურაცხყოფაა, ასეთი ქმედება მიუღებელია, როგორც ქრისტიანული, ისე ნებისმიერი ტრადიციული რელიგიისათვის და ბუნებრივია საქართველოს მართლმადაიდებელი ეკლესია გმობს და ემიჯნება მას. რა თქმა უნდა, ჩვენ პროვოკაციას ვხედავთ 10 სექტმებერს ჩადენილ ქმედებაში, მაგრამ ვხედავთ იმაშიც, რომ მოსახლეობის აბსოლუტური უმრავლესობის ნების საწინაღმდეგოდ და ხელისუფლებასთან შეუთანხმებლად მოხდა ილსამური სკოლა-პანსიონის აშენება, რომლის რელიგიური დანიშნულება ეჭვგარეშეა. საქართველოს კანონმდებლობა მუსლიმებს, ან სხვა რომელიმე კომპესიის წარმომადგენლებს შეიძლება აძლევდეს ამის ნებას, მაგრამ მორალურად და მიტუმეტეს რელიგიურად გამართლება არ აქვს ისეთ ქმედებას, რომელიც ხალხში დიდ შფოთსა და დაპირისპირებას იწვევს“,- განაცხადა მამა დავით შარაშენიძემ.