,,კაზანტიპის“ ავტორი ახალ გეგმებზე მუშაობს. რას გვთავაზობს ნიკიტა მარშუნოკი და გაგრძელდება თუ არა მისი პროექტი საქართველოში. ,,ნიუპოსტი“ საქართველოში ,,კაზანტიპის“ პრესატაშეს ნინო სტურუას ესაუბრა.

,,აპირებს ზამთარში პროექტის განხორციელებას, ოღონდ მე რამდენადაც ვიცი, ეს საქართველო არ იქნება. რამდენიმე დღეა არ მქონია მასთან კონტაქტი, მაგრამ ვიცი, რომ გეგმავს. რაც შეეხება საქართველოს, მის გეგმებში შედის პროექტის განხორციელება, თუ რა თქმა უნდა მოლაპარაკებები შედგება. არის ვარაუდი რომ ეს პროექტი საქართველოში ისევ ჩატარდეს, უბრალოდ ამისთვის საჭიროა, რომ შედგეს მოლაპარაკება ხელისუფლების წარმომადგენლებთან და რა გადაწყვეტილებაც იქნება, იმის მიიღებს გადაწყვეტილებას. ჯერ-ჯერობოთ ამ ეტაპზე არაფერი არ ხდება, მას თვითონ სურვილი აქვს. 22 წელია ნიკიტა ,,კაზანტიპს“ აკეთებს და ეს პროექტი მისვთვის შვილივით არის.

ნიკიტა მარშუნოკი ძალიან კმაყოფილია საქართველოში კაზანტიპის პროექტით, მიუხედავად ყველაფრისა, თვითონ ამბობს, რომ მან მოახერხა და კიდევ ერთხელ დაამტკიცა, რომ ,,კაზანტიპს“ შეუძლია დროსა და სივრცეში გადაადგილება და მან მოახერხა და საქართველოში, რომელიც არის ტრადიციების ქვეყანა, ჩაატარა ასეთი რევოლუციური პროექტი. ერთადერთი პრობლემა ეს იყო სტურმები, რომელთა რაოდენობაც იყო ცოტა, დანარჩენი, რაც შეეხება მოწვეულ სტუმრებს, DJ-ებს, მუსიკას, შემსრულებლებს, ყველაფერი უმაღლეს დონეზე იყო. ამიტომ, მისი შეფასებაც ასეთია, რომ: ,,კმაყოფილი ვარ, რომ შედგა ეს პროექტი საქართველოში და ძალიან მინდა, რომ კიდევ იყოს“- განაცხადა ნინო სტურუამ ,,ნიუპოსტთან“ საუბარში.