სამშაბათს, 9 სექტემბერს, 18.00 საათზე, ევროპის სახლში (მისამართი: თავისუფლების მოედანი 1, შემოსასვლელი შალვა დადიანის ქუჩიდან) გაიმართება საქართველოსა და ევროკავშირს შორის ასოცირების შეთანხმების ფარგლებში ღრმა და ყოვლისმომცველი თავისუფალი ვაჭრობის სივრცის ხელშეკრულების ამოქმედების შესახებ საინფორმაციო შეხვედრა.

შეხვედრაში მონაწილეობას მიიღებენ: გიორგი აბაშიშვილი– საქართველოს პრეზიდენტის მრჩეველი ეკონომიკურ საკითხებში; მარიამ გაბუნია, ეკონომიკის სამინისტროს საგარეო ვაჭრობისა და საერთაშორისო ეკონომიკური ურთიერთობების დეპარტამენტის უფროსის მოადგილე; ნათია სამუშია– თავისუფალი უნივერსიტეტი. პროექტის კოორდინატორი –ნატო ბაჩიაშვილი– ევროპის სახლი, გეოპოლიტიკური კვლევების საერთაშორისო ცენტრის თავმჯდომარე.

შეხვედრა ხორციელდება ევროპის სახლის პროექტის ფარგლებში შვედეთის საერთაშორისო განვითარების სააგენტოს (SIDA) ფინანსური მხარდაჭერით.