თბილისის მერიაში დღეს მოქალაქეთა მიღების დღეა. თბილისელების სხვადასხვა აქტუალურ საკითხებს თბილისის მერი, მერის მოადგილეები, საქალაქო სამსახურის უფროსები და რაიონის გამგებლები ისმენენ.

მოქალაქეთა მიღების წესი თბილისის მერიამ აგვისტოში დაამტკიცა. გასული ოთხი მიღების შედეგად, თბილისის მთავრობის წევრები 2 555 მოქალაქეს შეხვდნენ.

მერიის წარმომადგენლები საკუთარი კომპეტენციის ფარგლებში, თითოეულ საკითხს ინდივიდუალურად განიხილავენ და შემდგომ რეაგირებაზე მუშაობენ.

დღეს თბილისის მერიაში 255 თბილისელს მოუსმენენ.