ნაადრევი, იძულებითი ქორწინება დასჯადი ხდება. არასრულწლოვანთა დაოჯახების სტატისტიკა მძიმეა. სახალხო დამცველი უჩა ნანუაშვილი საკანონმდებლო ორგანოს სასწრაფო რეაგირებისკენ მოუწოდებს.

მისი ინფორმაციით, ათასობით მოზარდმა სწავლა ნაადრევი ქორწინების მოტივით შეწყვიტა. საქართველოს პარლამენტში უკვე წარდგენილია საკანონმდებლო ცვლილებათა პაკეტი, რომელიც ოჯახურ ძალადობასთან დაკავშირებით, ახალი ნორმების შემოღებას ითვალისწინებს.

სახალხო დამცველის გენდერული თანასწორობის დეპარტამენტის უფროსი ეკატერინე სხილაძე აცხადებს, რომ საქართველოს რიგ რაიონებში ახლგაზრდებს 13 წლის ასაკშიც კი ათხოვებენ, - "იყო ასეთი შემთხვევა როდესაც გოგონა მამამ 10 ძროხის სანაცვლოდ გაასხვისა თანსოფლელ მამაკაცზე".

სახალხო დამცველის აპარატის კვლევის მიხედვით 2012-2013 წლებში სწავლა 7000-ზე მეტმა მოსწავლემ შეწყვიტა რაც ადრეულ ასაკში ქორწინებამ განაპირობა.

გენდერული თანასწორობის დეპარტამენტში განმარტავენ, რომ ოჯახური ძალადობის რისკები ადრეული ქორწინების დროს დიდია, რადგან ხშირ შემთხვევაში ქორწინება იძულებით უცნობ მამაკაცზე ხდება. მალე ქორწინების იძულება საქართველში სისხლის სამართლის დანაშაული გახდება.

„სახალხო დამცველი 2012-2013 წლების საპარლამენტო ანგარიშში ერთ-ერთ რეკომენდაციად სწორედ უწყებათაშორის კოორდინაციას და შესაბამისი ცვლილებების განხორციელებას უთითებდა. საქართველოში კვლავ მაღალია ადრეულ ასაკში ქორწილების შემთხვევები. ესეთი ქორწინებები კი არის წინაპრობა ოჯახური კონფლიქტების და ოჯახებში ძალადობისა“,- განაცხადა ეკატერინე სხილაძემ.