სოფელი პერევი დღეს ნაციონალური სამზარეულოს ფესტივალს მასპინძლობს

საზოგადოება - 18:12, 06 Sep, 2014

3459

სოფელ პერევში ნაციონალური სამზარეულოს ფესტივალზე შეკრებილ სტუმრებს სიტყვით მიმართა საქართევლოს პარლამენტის თავმჯდოამარის პირველმა მოადგილემ მანანა კობახიძემ. ფესტივალზე სიტყვით გამოვიდნენ აფხაზეთის განათლებისა და კულტურის მინისტრი დიმიტრი ჯაიანი და სხვა საპატიო სტუმრები. ფესტივალს აფხაზეთის ა/რ მთავრობის თავმჯდომარის მოვალეობის შემსრულებელი ვახტანგ ყოლბაია, იმერეთის რწმუნებული–გუბერნატორი ზაზა მეფარიშვილი, აფხაზეთის ა/რ უმაღლესი საბჭოს თავმჯდომარე გია გვაზავა, უმაღლესი საბჭოს თავმჯდომარის მოადგილე ჯემალ გამახარია, უმაღლესი საბჭოს დეპუტატი (ფრაქცია უმრავლესობის თავმჯდომარე) რაისა ქარაია და სხვა საპატიო სტუმრები ესწრებოდნენ.ფესტივალში საქართველოს ყველა რეგიონის, მათ შორის აფხაზეთისა და ცხინვალის წარმომადგენლები მონაწილეობენ. ღონისძიებაზე წარმოდგენილია ყველა კუთხისთვის დამახასიათებელი ნაციონალური კერძები. ფესტივალში ქართული ხალხური სიმღერების შემსრულებელი ჯგუფები მონაწილეობენ, ასევე იმართება სხვადასხვა კულტურული ღონისძიება. სტუმრებმა დაათვალიერეს ფესტივალზე წარმოდგენილი ხალხური რეწვის ნიმუშები და დააგემოვნეს ქართული კერძები.ღონისძიება ასოციაცია „ტურიზმი მშვიდობისა და განვითარებისთვის“ ორგანიზებითა და „მშვიდობიანი და საქმიანი კავკასიის“ პარტნიორობით ტარდება. ფესტივალის მხარდამჭერია აფხაზეთის ავტონომიური რესპუბლიკის მთავრობა.