„საზოგადოებრივი მაუწყებლის“ საინფორმაციო სამსახურის უფროსად ნინო შუბლაძე ინიშნება. ამის შესახებ „ნიუპოსტისთვის“ ექსკლუზიურად გახდა ცნობილი.

თუმცა, "ნიუპოსტთან" პირად საუბარში ჟურნალისტმა აღნიშნული ფაქტი არ დაადასტურა.

"არანაირი მსგავსი შემოთავაზება არ მიმიღია. ასე რომ არ გიდასტურებთ. ვისვენებ, ჯერჯერობით სახლში ვარ",- განაცხადა შუბლაძემ.

შეგახსენებთ, რომ აღნიშნული თანამდებობა სოფო მოსიძეს ეკავა, რომელმაც ტელევიზია რამდენიმე დღის წინ დატოვა და მთავრობის ადმინისტრაციის პრესსამსახურის უფროსად დაინიშნა. თავის მხრივ კი ნინო შუბლაძემ ტელეკომპანია "რუსთავი 2"-ი მაისში დატოვა, სადაც გენერალური დირექტორის მოადგილის პოსტს იკავებდა.