რა ხილვები ჰქონდა სოსო ჯაჭვლიანს - ,,იმქვეყნად მეგონა თავი...“

საზოგადოება - 21:00, 04 Sep, 2014

3398

პარლამენტის დეპუტატი, მსახიობი და სპორტსმენი სოსო ჯაჭვლიანის თქმით მის ცხოვრებაში არაერთხელ ყოფილა შემთხვევა, როდესაც სიკვდილს სასწაულებრივად გადარჩენილა. სიზმარში თუ ხილვაშიც ჰქონია მინიშნებები მოსალოდნელ განსაცდელზე.

„ისეთ სიზმრებს ვნახულობ, ყველა რომ ფურცელზე გადავიტანო , ტომეულები გამოვა. წლების განმავლობაში გამოვიმუშავე , რომ ძირითადად ორშაბათიდან პარასკევის ჩათვლით ნანახი სიზმრების უნდა მჯეროდეს, შაბათ-კვირას ნანახ სიზმრებს ყურადღებას არ ვაქცევ. ხშირად ვხედავ მიცვალებულებს რომლებსაც ვესაუბრები. სპიტაკის მიწისძვრის წინა ღამეს სიზმარი ვნახე , რომ ენგური შავი და ადიდებული მოდიოდა. ორივე ნაპირას კი ზეწარგადაფარებული ცხედრები ესვენა.

ერთხელ რაღაც ქაოსი დამესიზმრ, მერე კი ყველაფერი დაწყნარდა და სივრცე გამოჩნდა.რომ გავიღვიძე , მივხვდი ხიფათი მელოდა, რომელიც კარგად დასრულდებოდა.

აგარაკზე ძროხები მყავს და კახეთში ქერის და ხორბლის ჩამოსატანად წავედი. იქიდან რომ ვბრუნდებოდი. ერთ ადგილზე ძალიან ცუდი მოსახვევია , იმ მოსახვევთან, საპირისპირო მხრიდან „ზილმა“ შემოუხვია. მუხრუჭი ვიხმარე , მაგრამ მანქანამ ვერ დაიჭირა და შევასკდი. წამებში გავიაზრე , რომ ვკვდებოდით და გავითიშე, თვალი რომ გავახილე , იმქვეყნად მეგონა თავი , საბედნიეროდ გადავრჩით. ქერის ტომრებმა გადაგვარჩინა. მუხრუჭი რომ ვიხმარე ზემოდან გადმოგვეყარა და ფაქტობრივად ქერის ორმოში ჩავცვივდით.“