დევდორაკის ხეობაში მოსალოდნელი ძლიერი წვიმის გამო საქმის კურსშია საავტომობილო გზების დეპარტამენტი, თუმცა მათთვის ჯერჯერობით უცნობია გამოიწვევს თუ არა ნალექი ნაშალის ჩამოტანას.

ამის შესახებ „ნიუპოსტს“ გზების დეპარტამენტში განუცხადეს. დეპარტამენტის უფროსის განცხადებით, მომხდარი სტიქიის შემდეგ კვალვაც მიმდინარეობს ნაპირსამაგრი სამუშაოები.

„გაფრთხილებული ვართ, რომ დღეს და ხვალ დევდორაკის ხეობაში ამინდის გაუარესება და უხვის ნალექია მოსალოდენლი. თუმცა რა შედეგი შეიძლება მოჰყვეს ნალექს, ეს არავინ იცის. აქედან გამომდინარე, ის, რომ ჩვენ ის სპეციალური ტექნიკის მობილიზება მოვახდინოთ შეუძლებელია, გააჩნია რა მოხდება და რას დააზიანებს. თუმცა ორი კვირის წინ მოხდა სტიქია და იქ ნაპირსამაგრი სამუშაოები ისევ მიმდინარეობს. ადგილზე მობილიზებულია ოცამდე ერთეული მძიმე ტექნიკა და ასრულებს აღდგენით სამუშაოებს. ასე, რომ თუ რაიმე ინციდენტი მოხდა სწრაფად მოვახვდენთ ადგილზე ტექნიკის მობილიზებას“, - განაცხადეს საგზაო დეპარტამენტში.

სინოპტიკოსები დღეს და ხვალ დევდორაკის ხეობაში ძლიერი წვიმას ვარაუდობენ.