გაზის ტარიფის დაწევის საკითხი ბაქოში ვიზიტის შემდეგ გადაწყდება

ბიზნესი & ეკონომიკა - 20:34, 24 Dec, 2012

504

მისი თქმით, სააკაშვილის ხელისუფლება ხშირად აკეთებდა აქცენტს იმასთან დაკავშირებით, რომ ქვეყანაში 45 მემორანდუმს მოეწერა ხელი ახალი, 2100 მეგავატი სიმძლავრის ელექტროსადგურების მშენებლობასთან დაკავშირებით.
"მინდა გითხრათ, რომ ეს არის ტყუილი. ნამდვილად არის გარკვეულ მემორანდუმებზე ხელი მოწერილი, მაგრამ მომავალი 2 წლის განმავლობაში შესაძლებელია აშენდეს მხოლოდ და მხოლოდ 100 ან 200 მეგავატი სიმძლავრის ჰიდროელექტროსადგურები", - განაცხადა კახა კალაძემ.
მისივე თქმით, 45 მემორანდუმზეა ხელი მოწერილი რომლებიც სრულიად გაურკვეველია და ამჯამად მათი შესწავლა მიმდინარეობს.
აქვე მან განაცხადა, რომ გაზის ტარიფზე საუბარი ბაქოში მისი ვიზიტის შემდეგ იქნება შესაძლებელი .

მისი თქმით, შეხვედრებზე ერთ-ერთი აქტუალური თემა სწორედ გაზის ტარიფი იქნება და კახა კალაძე იმედოვნებს, რომ ეს საკითხი დადებითად გადაწყდება.
რაც შეეხება საწვავის ფასს, მინისტრის განცხადებით, მას შემედეგ, რაც "ქართული ოცნება" მოვიდა ხელისუფლებაში, საწვავის ფასმა კლება დაიწყო და შესაძლებელია ფასი კიდევ შემცირდეს.
პრემიერ-მინისტრი ბიძინა ივანიშვილი და ენერგეტიკის მინისტრი კახა კალაძე აზერბაიჯანში ვიზიტს 26 დეკემბერს გეგმავენ.