თბილისში 1 კილოგრამი პური საცალო ქსელში დაახლოებით 1,5-1,7 ლარი ღირს, ერევანში კი - 1 - 1,2, ბაქოში 1 კგ-ის ფასი საშუალოდ 1,7 ლარია, მინსკში 1, 25 ლარი, კიევში კი 1 კგ პური 1 ლარს არ აღემატება, ასტანაში - 1,2 ლარი ღირს.... პური ყველაზე ძვირი მოსკოვშია, იქ მისი თირებულება 55 რუბლს, დაახლოებით 2, 6 ლარს შეადგენს. თუმცა მოსკოვშიპურზე მოქმედებს ე.წ. სოციალური ტარიფი, რომელიც დაფიქსირებულია და საბაზრო ფასზე ბევრად ნაკლებია. აღნიშნული ციფრებიდან ირკვევა, რომ რუსეთის გარდა პურის ფასი ყველაზე მაღალი თბილისშია.

საერთოდ, საქართველოში ხორბლის ფასი საერთაშორისო ბაზრების კვალდაკვალ მერყეობს, თუმცა თუ იქ მარცვლეული გაიაფდა და თანაც მნიშვნელოვნად, ჩვენთან პურის ფასი ან არ იკლებს, ან მინიმალური რაოდენობით მცირდება. პურის საცალო ფასი ერთი წელი არ შეცვლილა.

მეპურეთა ასოციაციის პრეზიდენტი მალხაზ დოლიძე ამბობს, რომ თბილისში პურს, გარდა ძვირი ელექტრომატარებლებისა, დისტრიბუცია და მაღაზიები აძვირებს.

„ერევანში მაღაზიის მფლობელს არ შეუძლია პურზე 5%-ზე მეტი დაამატოს, ჩვენთან კი ზოგიერთი მაღაზია 10%-ს, ზოგი - 15%-ს, ზოგი სულაც 20%-ს უმატებს. ასევე საქართველოში ძვირია ენერგომატარებელი, ხორბალი, თანაც იმპორტზე დამოკიდებული ქვეყანა ვართ. ამ ყველაფერს ემატება დღგ-ს გადასახადი. ეს ყველაფერი ზრდის როგორც თვითღირებულებას, ისე პროდუქსიის საბოლოოდ გასაყიდ ფასს“, - ამბობს მალხაზ დოლიძე.

წყარო: გაზეთი "რეზონანსი"