დღეიდან მოქალაქეებს შეუძლიათ კომპანიებს სარეკლამო შეტყობინების გაგზავნის შეწყვეტა მოთხოვონ. შესაბამისი საკანონმდებლო ცვლილებები ძალაში 1 სექტემბრიდან შევიდა.

მოქალაქეებს საშუალება ექნებათ კომპანიებს გამარტივებული ფორმით, ნებისმიერ დროს, მოსთხოვონ მათი მონაცემების გამოყენების შეწყვეტა და მათთვის არასასურველი სარეკლამო შეტყობინებების გაგზავნა.

თუ კომპანიები მოქალაქეთა მიმართვაზე სათანადო რეაგირებას არ განახორციელებენ, 1 ნოემბრიდან მოქალაქეებს შესაძლებლობა ექნებათ განცხადებით მიმათონ პერსონალური მონაცემების დაცვის ინსპექტორის აპარატს.

ცვლილებები შევიდა პერსონალურ მონაცემთა დაცვის შესახებ კანონში, რომელიც საქართველოს პარლამენტმა 2014 წლის 1 აგვისტოს მიიღო 76 ხმით არც ერთის წინააღმდეგ.