დარიალის ხეობაში სამანქანო გზის გახსნა დღეს 12:00 საათისთვის იყო დაგეგმილი, თუმცა, შექმნილი პრობლემების გამო გადიდო.

საქართველოს პრემიერმინისტრის პრესსამსახურის მიერ გავრცელებული ინფორმაციის თანახმად, გამთენიისას დარიალში სასიგნალო სისტემა ამშუშავდა, შედეგად ხალხის ევაკუაცია განხორციელდა.

კლდის ჩამოშლის შედეგად თერგი კვლავ ადიდდა, რის გამოც გზის გარკვეული მონაკვეთი დაზიანდა.

ხეობაში უკვე მობილიზებულია ტექნიკა, გზის გაწმენდითი სამუშაოები დაწყებულია და ინტენსიურად მიმდინარეობს, რათა დროულად მოხდეს თერგის კალაპოტში დაბრუნება.

შეგახსენებთ, რომ 10 დღის წინ დარიალის ხეობაში მეწყერის ჩამოწოლის შედეგად სასაზღვრო-გამშვებმა პუნქტმა მუშაობა შეწყვიტა, ზარალმა მილიონიდან 3 მილიონამდე შეადგინა, შეჩერებული იყო საგზაო მიმოსვლა. ამ დროისათვის უცნობია როდის მოხდება საგზაო მიმოსვლის აღდგენა.