რუსთაველის გამზირზე, საქართველოს პარლამენტის შენობის წინ უკრაინის მხარდასაჭერი აქცია გაიმართა. აქციის მონაწილეებმა უკრანელ ხალხს ღია მხარდაჭერა გამოუცხადეს.

აქციაზე რუსეთის პრეზიდენტის ვლადიმერ პუტინის პორტრეტები დაწვეს. აქვე უკრაინელების დასახმარებლად სამოქმედო გეგმაც დაისახა.

როგორც აქციის ერთ-ერთმა ორგანიზატორმა ნატალია კორახაშვილმა „ნიუპოსტთან“ საუბრისას განაცხადა, აქციაზე დარიგდა სპეციალური ბუკლეტები, სადაც საბანკო რეკვიზიტები იყო აღნიშნული, რისი საშუალებითაც მოხდება თანხის შეგროვება მეგობარი უკრაინელებისთვის.

„პარლამენტის შენობის წინ ხალხი შეიკრიბა უკრაინელთა მხარდასაჭერად, საპროტესტო აქციაზე დემონსტრაციულად დაწვეს პუტინის პორტრეტები და ამასთან ერთად, აქციის ძირითადი ნაწილი იყო ის, რომ გავაჟღერეთ ინფორმაცია, თუ როგორ დავემხაროთ უკრაინელ სამხედროებს. ამისთვის დარიგდა სპეციალური ფურცლები, რომელზეც მოცემულია საბანკო რეკვიზიტები თანხის გადასარიცხად. შემდეგი დღეებისთვის დაიგეგმა, რომ ორგანიზება გაუკეთდეს საქართველოში სისხლის ჩაბარების პროცესს და მის ტრანსპორტირებას უკრაინაში. დეტალებზე შეთანხმების შემდეგ კი, მოხდება საზოგადოების ინფორმირება“,-განაცხადა ნატალია კორახაშვილმა.

აქციაზე შესრულდა საქართველოს და უკრაინის ჰიმნები. ასევე, ხალხის გარკვეულმა ნაწილმა შეასრულა სიმღერა „პუტინ ხუილო“.

აღნიშნული აქცია სოციალური ქსელის მეშვეობით დაიგეგმა და მისი სლოგანი იყო: Stop putin! Save Europe!

ნინა გოლოშვილი