ექსპერტი: რუსეთს სანქციების არ ეშინია, სანამ ისინი ენერგეტიკის სფეროს არ შეეხება

ბიზნესი & ეკონომიკა - 16:48, 29 Aug, 2014

2004

"უკრაინის ეკონომისტების კომიტეტის" ექსპერტი ანდრეი ნოვაკი აცხადებს, რომ მსოფლიომ რა სახის სანქციებიც არ უნდა შემოიღოს რუსეთის წინააღმდეგ, იგი არ შეწყვეტს აგრესიას უკრაინის მიმართ, სანამ ისინი ენერგეტიკის სფეროს არ შეეხება.

"დასავლელი ინვესტორების გარეშე რუსეთის ენერგეტიკის სექტორი უბრალოდ ვერ იმუშავებს. არსებული სანქციები ამ მიმართულებით უკვე პრობლემას უქმნის მას. საქმე ფულში არაა, რუსეთი არ ფლობს ახალ, თანამედროვე ტექნოლოგიებს," - აცხადებს ის.

მისი აზრით, თუ საქმე სანქციების გამკაცრებამდე მივა, პირველ რიგში სწორედ ენერგეტიკის სფეროშია საჭირო მათი შემოღება - ფინანსური სანქციების ეტაპი უკვე გავლილია. ეს შეიძლება განხორციელდეს რიგირც შესყიდვების შეწყვეტის სახით, ასევე დასავლელი ინვესტორების გასვლით ისეთი პროექტებიდან, როგორიცაა "ჩრდილო და სამხრეთ ნაკადები".
"პუტინის ბიზნესი ბუნებრივი აირი და ნავთობია. მას სულაც არ აინტერესებს, რა დანაკარგები ექნება ფარმაცევტულ თუ სოფლის მეურნეობის საკითხებში. სხვადასხვა შეფასებებით, რუსეთის ეკონომიკამ დაკარგა 100 მილარდ დოლარამდე - ინვესტიციების გადინებით, რუსულ კომპანიებზე აქციების დაცემით, რუბლის დევალვაციით, მაგრამ პუტინს თავისი პოლიტიკა არ შეუცვლია. თვით ფინანსური სექტორის წინააღმდეგ განხორციელებულ სანქციებს, რომელიც მართალია რუსეთის მოსახლეობამ იგრძნო, მაგრამ ეს რუსული ეკონომიკისათვის შესაბამისი დონე არაა, - აცხადებს ნოვაკი.
ნოვაკს იმედი აქვს, რომ დღეს, როდესაც აშშ-სა და ევროკავშირის ლიდერები საუბრობენ სანქციების გამკაცრებაზე, მათ სწორედ ეს სფერო აქვთ მხედველობაში.
"სხვა სანქციები შედეგს არ მოიტანს, რადგან რუსეთი არასდროს ყოფილა ასე იზოლირებული "ცივი ომის" პერიოდის შემდეგ, მაგრამ ჯერჯერობით არ ცვლის პოლიტიკას," - წერს იგი.