"მანჩესტერ იუნაიტედის" ფიასკო ინგლისის თასის გათამაშებაზე - ლუის ვან გაალის გუნდი ინგლისის პირველი ლიგის გუნდთან 0:4 დამარცხდა.

"მილტონ კინს დონსი" პირველ ლიგაში ოთხი ტურის შემდეგ მეშვიდე ადგილზეა, თასის გათამაშებაზე კი მანჩესტერულ გრანდს სოლიდური სხვაობით მოუგო.

ანგარიში 25-ე წუთზე გრიგის გოლით გაიხსნა. მეორე ტაიმის მეთვრამეტე წუთზე ჩრდილოირლანდიელი ფეხბურთელი დუბლის ავტორი გახდა. დარჩენილ დროში ბენიკ აფობემ დე ხეას კარში კიდევ ორი გოლი გაიტანა და "მილტონ კინს დონსი" მთავარი სენსაციის ავტორი გახდა.

პირველი ლიგის გუნდი თასის გათამაშების მომდევნო ეტაპზე გავიდა. დღეს ინგლისის თასის გათამაშებაზე კიდევ ხუთი შეხვედრა გაიმართება.

ნინა შადური