ყოფილმა თავდაცვის მინისტრმა ირაკლი ოქრუაშვილმა ორი თანასოფლელი, „ქართული ოცნების“ წევრი სასიკვდილოდ გაიმეტა.

კვირას, დაახლოებით 22:00 საათზე, ოქრუაშვილი დაცვის ორ თანამშრომელთან ერთად ავტომანქანით "ოცნების" მხარდამჭერებს გაეკიდა.

ის ცეცხლსასროლი იარაღიდან ისროდა, დაზარალებულების ავტომობილს 3 ტყვია აქვს მოხვედრილი, თუმცა როგორც ირკვევა, ოქრუაშვილმა "ოცნების" მხარდამჭერების მიმართულებით ორი მჭიდი მთლიანად დაცალა.

მოგვიანებით კი სოფლის ბოლოში დაიჭირა და ფიზიკურად გაუსწორდა, „ნიუპოსტის“ ინფორმაციით, თავდაცვის ყოფილმა მინისტრმა დაცვის თანამშრომლების დახმარებით თანასოფლელებს "კონდახებით“ სცემდა.

მომხდარ ინციდენტთან დაკავშირებით დაზარალებულები ღიად საუბარს ერიდებიან. აღნიშნულ ფაქტი „ნიუპოსტთან“ „ოცნების“ მაჟორიტარმა დეპუტატმა თემო გიგუაშვილმა დაადასტურა.

გიორგი ახალკაცი, გორი, "ნიუპოსტი"