ვინ უმზადებს ღარიბაშვილს ,,ყაყაჩოების რევოლუციას“

საზოგადოება - 19:34, 25 Aug, 2014

1825

საკმარისია, სააკაშვილი ციხეში მოხვდეს და ისეთ რამეებს აეხდება ფარდა, ქვა ქვაზე აღარ დარჩება.! , - აცხადებს პოეტი რეზო ამაშუკელი ,,ასავალ-დასავალთან“ საუბარში.

,,სწორედ ამიტომ „ნაციონალებს“ „რესპუბლიკელებს“ მარგველაშვილსა და დასავლეთის სპეცსამსახურებს შორის არსებობს შეთანხმება, რომ როგორმე არ დაუშვან სააკაშვილის ციხეში ჩაჯდომა!“, - ამბობს ამაშუკელი.

ამაშუკელი ექსპერტებს, ჟურნალისტებს და ტელევიზიებს აკრიტიკებს. პოეტი ექსპერტებს ,,სასაცილოებს“ და ,,ამაზრზენებს“ უწოებს.

,,სასაცილოები არიან ეს ექსპერტები და თან - ამაზრზენები! ზოგი ნელა ლაპარაკობს, ზოგი ღუღუნებს, ზოგი ზუზუნებს, ზოგი ლაპარაკობს და ამ დროს, არაფერს ლაპარაკობს!

ამ ექსპერტების სახით, გათახსირებული და გაფუჭებული ჟურნალისტების სახით, ამ აქოთებული ტელევიზიებისა და საზოგადოებრივი შლეიფის მეშვეობით, რომელიც სააკაშვილს ჯერ კიდევ დარჩა, ესენი ცდილობენ ახალი რეალობა შექმან! ის ყაყაჩოები ტყუილად არ უკეთიათ გულზე, ახლა ყაყაჩოების რევოლუცია მზადდება!“, - აცხადებს ამაშუკელი და ყაყაჩოების რევოლუციის ადრესატად ირაკლი ღარიბაშვილს ასახელებს.

,,მოვიდა ეს ახალგზარდა კაცი, მოვიდა თავისი ბუნებით, თავისი ქართველობით, თავისი განათლებით რესპექტაბელური საქციელით, შეუპორვობით და სახელმწიფოებრივი აზროვნებით! იმ მესიჯებში, რომელიც ღარიბაშვილმა გამოუგზავნა ქართველს საზოგადოებას, ეს ექსპერტები, ეს ტელევიზიის მეპატორენეები, ეს არასამტავრობო ორგანიზაციები არ და ვერ ჯდებიან!“, - ამბობს ამაშუკელი ,,ასავალ-დასავალთა“ ინტერვიუში.