„კაზანტიპი გარყვნილებაა“- ამ ლოზუნგით რესპუბლიკის შესასვლელთან სამღვდელოება და მათი მრევლი შეკრიბა. ისინი ხელისუფლებისგან პროექტის შეჩერებას ითხოვენ და მიიჩნევენ, რომ საზღვართან მიმდინარე მოვლენები სწორედ რომ კაზანტიპის ფესტივალს უკავშირდება.

დღეს სამღვდელოებასთან კაზანტიპის რესბუპლიკის პრეზიდენტი ნიკიტა მარშუნოკი გავიდა და მათთან საუბარი სცადა, თუმცა აქციის მონაწილეებმა მას ზურგი აქციეს.

ნიკიტა მარშუნოკი ამბობს, რომ იმ პერიდოში რაც მუსიკალური ფესტივალი კაზანტიპი დაიწყო, კანონი არ დარღვეულა.

„ამ ადამიანებს აქვთ უფლება გამოხატონ თავისი აზრი, ზუსტად არ ვიცი რას აპროტესტებენ, მაგრამ ვფიქრობ, რომ უნდა განცალკევდეს რელიგიური მოსაზრებები და მუსიკალური ფესტივალის ორგანიზება. ჩვენ საქართველოს კანონი არ დაგვირღვევია და პატივს ვცემთ ქართულ ტრადიცებს“,- განაცხადა ნიკიტა მარშუნოკმა.

ნინა შადური