Wehelp.ge-ს დამფუძნებელმა ბორის კიპნაძემ აქციაში მონაწილეთა მიერ გადარიცხული თანხის შესახებ ისაუბრა. კიპნაძის განცხადებით ოთხ დღეში შესული თანხა 10 ათას ლარს აღემატება:

„მიუხედავად იმისა, რომ აქცია ოთხი დღის წინ დავიწყეთ, გადმორიცხვაც ხშირია, ათასობით ლარში აისახა ეს ყველაფერი. მომხმარებელს შეუძლია თავად აირჩიოს თუ ვის გადაურიცხავენ თანხას. ასევე საერთო ანგარიშზე შეუძლიათ გადმორიცხვა და შემდეგ თანაბრად ნაწილდება შემოსული თანხა. აქციების გარეშე თანხის მოზიდვა ჭირს, ერთი წლის წინ შევქმენით ეს საიტი და ვთვლით, რომ დასახვეწი ჯერკიდევ ბევრი რამ არის. საბედნიეროდ საქართველოში მსგავსი დაავადება ძალიან იშვიათია, სულ 5 შემთხვევა იყო დაფიქსირებული, მაგრამ ჩვენ სხვადასხვა დაავადებების მქონე ადამიანებს ვეხმარებით. ამ დღეებში 10 ათას ლარზე მეტი გადმოირიცხა“, - განაცხადა ბორის კიპნაძემ.