აჭარის მაღალმთიან მუნიციპალიტეტებს სახანძრო მანქანები გადაეცათ

საზოგადოება - 16:27, 20 Aug, 2014

1772

აჭრის მთავრობის თავმჯდომარემ არჩილ ხაბაძემ მუნიციპალიტეტების გამგებლებთან ერთად რეგიონის მაღალმთიან მუნიციპალიტეტებს სახანძრო მანქანები გადასცა.

„ხუთივე მუნიციპალიტეტისთვის მოვახერხეთ თითო მანქანის ყიდვა. გვინდოდა, რომ ეს მანქანები მაღალმთიანეთისთვის მორგებული ყოფილიყო. ბოლო 6 თვის განმავლობაშიმუნიციპალიტეტებში 26 ხანძარი დაფიქსირდა. მაღალმთიანეთში ძირითადად ხის სახლებია და ამ მხრივ ხანძრის შედეგად ზარალი მეტია, ცენტრიდან უკიდურეს სოფლამდე 40-45 კილომეტრია. ამიტომ მცირე ზომის და მაღალი გამავლობის მანქანები გვჭირდება, რომ ყველა უბანს მოემსახუროს.“ -განაცხადა არჩილ ხაბაძემ.

სახანძრო-სამაშველო სამსახურისთვის შეძენილი ხუთი მაღალი გამავლობის მანქანიდან ოთხი 2014 წელსაა გამოშვებული და 5 ტონა წყლის მარაგს იტევს, ხოლო ერთი - 2011 წელს და 3 ტონა წყლის მარაგს იტევს. მანქანები დამატებით აღჭურვილია 150 ლიტრიანი ქაფწარმომქნელი სითხის ავზით.

ხულოს მუნიციპალიტეტის გამგებლის, ბესიკ ბაუჩაძის თქმით ახალი მანქანა დაეხმარება ხანძრის ადგილას სწრაფად მისვლაში. უნდა მოხდეს მატერიალურ-ტეკნიკური ბაზის განახლება, მეხანძრეების გადამზადება და მათტვის ხელფასების გაზრდა. ყველა ეს ნაბიჯი ეტაპობრივად გადაიდგმება.“

5 ტონიანი სახანძრო მანქანები განკუთვნილია ქობულეთის, შუახევის, ხულოსა და ქედის მუნიციპალიტეტებისათვის, ხოლო 3 ტონიანი კი ხელვაჩაურის მუნიციპალიტეტისათვის. ახალი სახანძრო მანქანების საერთო ღირებულება მილიონი ლარია. სულ შეძენილია 5 სახანძრო მანქანა და თითოეულის ღირებულება შეადგენს 200 ათას ლარს.