საბერძნეთში მცხოვრები ქეთი გოგოლაძე მისი დაკარგვის შესახებ ინფორმაციას უარყოფს

საზოგადოება - 21:25, 19 Aug, 2014

3944

სალონიკში მცხოვრები ქეთი გოგოლაძე მასზე ცრუ ცრუინფორმაციის გამავრცელებელ პირს სასამართლოში უჩივის. ორი დღის განმავლობაში ,,ნიუპოსტს“ უკავშირდებოდა ფეიბუქის მომხმარებელი Kelly Kukhaleishvili, რომელიც ითხოვდა დახმარებას და აცხადებდა, რომ ქეთი გოგოლაძე მის მეგობარ ბერძენ ქალბატონთან ერთად დაიკარგა. ქალბატონი აცხადებდა, რომ ის იყო ქეთის რძალი. ქალბატონმა ,,ნიუპოსტს“ ორი ტელეფონის ნომერიც მისცა, რომელიც მისი თქმით, ქეთი გოგოლაძის ძმას ეკუთვნოდა და შესაძლებელი იყო დაკავშირება: +34632780002, +34688102310. ქალბატონი ჩვენთან საუბარში აცხადებდა, რომ ქეთი გოგოლაძე სალონკში სამსახურიდან გამოსვლის შემდეგ დაიკარგა. ,,ნიუპოსტი“ შეეცადა ინფორმაციის გადამოწმებას საქართველოს საგარეო საქმეთა სამინისტროში, თუმცა დამატებითი ინფორმაციის მიღება ვერ მოხერხდა. დღეს თავად ქეთი გოგოლაძე ,,ნიუპოსტს“ დაუკავშირდა და განაცხადა, რომ ეს არის ცრუ ინფორმაცია. გოგოლაძესთან იმყოფებოდა საქართველოს კონსული საბერძნეთში, გოგოლაძის თქმით, მან საკონსულო საქმის კურსში ჩააყენა. როგორც ქეთი გოგოლაძე ,,ნიუპოსთან“ აცხადებს, გარკვეული პირი მიზანმიმართულად ცდილობდა მასზე ამ ტიპის ინფორმაციის გავრცელებას და მისი ოჯახისთვის ზიანის მიყენებას. ქეთი გოგოლაძე ამბობს, რომ იცის მისი ვინაობაც და აპირებს სასამართლოში უჩივლოს. ,,ნიუპოსტი“ ასევე დაუკავშირდა Kelly Kukhaleishvil-ს, თუმცა მან ჩვენს კითხვებს არ უპასუხა. ,,ნიუპოსტი“ ბოდიშს უხდის ქალბატონ ქეთი გოგოლაძეს და მის ოჯახს.