სახელმწიფო კანცელარიასთან სახელმწიფო დაცვის სამსახურის უფროსის მოადგილე, მიხეილ სააკაშვილის საპრეზიდენტო ბიბლიოთეკის განვითარებისა და საზოგადოებასთან ურთიერთობის მენეჯერს ლანა ღვინჯილიას დაუპირისპირდა.

სახელმწიფო დაცვის უფროსის მოადგილე ქალბატონს სთხოვდა, რომ ექსპრეზიდენტის პიჯაკები უკან წაეღო. დაცვის უფროსი ღვინჯილიას იძულების წესით სახელმწიფო კანცელარიის შენობის დაეტოვებას სთხოვდა.

„სახელმწიფო კანცელარიში არ იბარებენ ნივთებს და არც იბარებენ ასეთ ძონძებს და ნახმარ ტანსაცმელს, ამას ჩვენ უკან დავუბრუნებთ ვინც ეს მოიტანა, ეს არ არის ძონძების მაღაზია, ეს არის სახელმწიფო კანცელარია“,- აღნიშნა სახელმწიფო დაცვის უფროსის მოადგილემ.

სახელმწიფო დაცვის სამსახური უფროსი ქალბატონს სთხოვდა, რომ ნივთები უკან წაეღო და თუ სურვილი ექნებოდა სანაგვეზე გადაეყარა. ქალბატონი ითხოვდა, რომ ხელით არ შეხებოდნენ და მის კუთვნილ მანქანას მოშორებოდნენ.

ქალბატონმა დაცვის უფროსისთვის ტელეფონის საშულებით ფოტოს გადაღება სცადა, თუმცა ვერ შეძლო.

მიუხედავად იმისა, რომ შელაპარაკება ინგოროყვას ქუჩაზე მოხდა, სახელმწიფო დაცვის სამსახური უფროსი დაჟინებით ითხოვდა, რომ ქალტატონს სახელმწიფო კანცელარიის ტერიტორია დაუყოვნებლივ დაეტოვებინა.

„გამოიძახეთ საპატრულო დ გავათრიოთ აქედან, მოცილიდით აქედან თქვენი ნაგვიანად“,- აცხადებდა ჟურნალისტების თანდაცწრებით სახელმწიფო დაცვის სამსახურის უფროსის მოადგილე.

შეგახსენებთ, რომ მთავრობის კანცელარიაში მიხეილ სააკაშვილის პიჯაკები არ დაიტოვეს. საშვთა ბიუროში გზავნილის მიღებაზე უარი განაცხადეს. შედეგად სიტყვიერი დაპირისპირება მოხდა, მიხეილო სააკაშვილის პიჯაკები შესაძლოა კიდევ ერთი სამართლებრივი დავის საგანი გახდეს.