ბულგარეთმა რუსული გაზსადენის "Южный поток"-ის (სამხრეთის ნაკადი) მშენებლობა შეაჩერა

ბიზნესი & ეკონომიკა - 22:10, 18 Aug, 2014

3058

ევროპულ კანონმდებლობასთან შეუსაბამობის გამო, ბულგარეთმა რუსეთის გაზსადენ "Южный поток"-ზე (სამხრეთის ნაკადი) ყველა სახის სამშენებლო სამუშაოები შეაჩერა.

ამის შესახებ განცხადება ბულგარეთის ეკონიმიკისა და ენერგეტიკის სამინიტრომ გააკეთა.

"ეკონომიკისა და ენერგეტიკის მინისტრმა განკარგულება გასცა, რომ შეჩერებულ იქნას ყველა სახის სამშენებლო სამუშაოები გაზსადენ "Южный поток"-ზე, რადგან ის არ შეესაბამება ევროკომისიის მოთხოვნებს" - ნათვქამია სამინისტროს პრესრელიზში.

პროექტ "Южный поток"-ის განხორციელება რისეთის პრეზიდენტ პუტინის ინიციატივით მას შემდეგ დაიწყო, რაც რუსეთმა ყოველგვარი კონტროლი დაკარგა შაჰდენიზის საბადოდან ფაზის ევროპაში ტრანსპორტირებაზე.

სამხრეთ ნაკადის პროექტი ითვალისწინებს შავ ზღვაში (რუსეთის შავის ზღვის სანაპიროდან ბულგარეთამდე და შემდგომში სახმელეთო მილსადენით ავსტრიამდე) ბუნებრივი აირის მილსადენის მშენებლობას. ის რუსეთს საშუალებას მისცემს, უკრაინის და პოლონეთის გვერდის ავლით, ევროპას ყოველწლიურად დაახლოებით 63 მილიარდი კუბური მეტრი აირი მიაწოდოს.

ეს გაზსადენი ითვლება "ნაბუკოს" პროექტის ალტერნატივად, რომელსაც საქართველოს და თურქეთის გავლით კასპიის ზღვის ქვეყნების ბუნებრივი აირი ევროპის ქვეყნებისათვის უნდა მიეწოდებინა.