სააკაშვილს საქართველოში ვერ ვხედავ - მიხეილ ცაგარელი ექსპრეზიდენტს რჩევებს აძლევს

საზოგადოება - 13:42, 18 Aug, 2014

8897

სააკაშვილს საქართველოში ვერ ვხედავ, მას კოსმოსიდან მიცემული ჰქონდა კარტ-ბლანში, მაგრამ ან არ გამოიყენა ან ვერ გამოიყენა, მეორე ვარიანტს აღარ მისცემენ, უფრო მეტიც აურაში იმდენად ცუდი ენერგეტიკა დაუგროვდა, ვურჩევ, გაუფრთხილდეს ჯანმრთელობას, - ცნობილი ასტროლოგი მიხეილ ცაგარელი პოლიტკურ პროგნოზებს აკეთებს ,,ასავალ-დასავალთან“ და მიხეილ სააკაშვილს მძიმე ორ წელს უწინასწარმეტყველებს.

,,შემდეგი ორი წელი საკმაოდ რთული ექნება, დიდი ბარიერების გადალახვა მოუწევს. სააკაშვილის კარიერა მძიმე შედეგით დასრულდა მხოლოდ ერთი რამის გამო- ვერ გაუძლო ამბიციებს, ავტორიტეტად აღარ ჩამთვალა, არც ჭკვიანი ადამიანების რჩევები მიიღო, მხოლოდ საკუთარი თავი მიიჩნია ერთადერთ და განუმეორებელ არსებად. მიუხედავად ამისა, მოსალოდნელ საფრთხეებზე მაინც ვაფრთხილებდი, მაგალითად , როდესაც ვლადიმერ პუტინს უნდა შეხვედროდა , ორჯერ გავაფრთხილე, შეხვედრა ივლისის თვეში არ დაენიშნათ. არ დამიჯერა და ეს შეხვედრები საქართველოსათვის ცუდად დამთავრდა. 2008 წლის 27 ივლისს ტელევიზიით გავაფრთხილე, სამი რვიანის კომბინაცია 08.08.08 კატასტროფულად მძიმეა , საომარ სიტუაციას მოასწავებს ცდუნებას არ აჰყვე-მეთქი. არ შეისმინა და სერიოზული შეცდომების დაუშვა“, - აცხადებს მიხეილ ცაგარელი.