შვილიშვილი მე მომიკლეს და გმირი მე ვარ კიდევ?! - ინციდენტი რაფალიანცის და ბერიკაშვილის ნათესავებს შორის

საზოგადოება - 15:46, 17 Aug, 2014

7139

ინციდენტი მოხდა ბარბარე რაფალიანცისა და მანანა ბერიკაშვილის ნათესავებს შორის. შემთხვევა ადვოკატ რომეო საჯაიას მიერ გაკეთებულ განცხადებას მოჰყვა, რომლის მიხედვითაც არ გამოირიცხება, რომ ბავშვის მკვლელობა მმართველი გუნდის წარმომადგენლებმა ჩაიდინეს. თინა მექელიშვლის განმარტებით, ლალი ნალიყაშვილი მას ბანკში შეხვდა და სიტყვიერი შეურაცხყოფა მიაყენა. ფაქტს ადასტურებს ბერიკაშვილის ნათესავი და ამბობს, რომ გაღიზიანება ოჯახის მხრიდან ,,ქართული ოცნებისა“ და მანანა ბერიკაშვილის ხსენებამ გამოიწვია. მისი თქმით, გიორგი ღვინიაშვილისა და რაფალიანცების მოსაზრებები ერთმანეთს ემთხვევა. ინციდენტის ღამეს ბერიკაშვილის ნათესავის ოჯახი შემთხვევის ადგილზე იმყოფებოდა. დაზარალებული ოჯახის წევრები ადვოკატ საჯაიასთან შეხვედრას ითხოვენ.

თინა მექერიშვილი, ბარბალე რაფალიანცის ბებია:

,,გამოძიება რატომ დუმს, ეს ყველაფერი ეჭვებში გვაგდებს. დღეს ვიყავი გადასული პრივატ ბანკში, იქ იყო სოსო ბერიკაშვილის მეუღლე, გასვლისას მოტრიალდა და ხელებით ისე მომმართა, თითქოს თვალებში უნდა ჩაგწვდესო: ყოჩაღ, ყოჩაღ გმირები ხართ, გმირები ხართო! დავიბენი, რატომ რის გმირი ვარ? შვილიშვილი მე მომიკლეს და გმირი მე ვარ კიდევ?! რატომ მომმართა ასე, პასუხი აგოს! ერთადერთი ჩვენი საინფორმაციო წყარო არის ტელევიზორი. ბატონი საჯაია რომ გამოვიდა და პირდაპირ ეთერში ასეთი რამე თქმა, ეს ჩვენთვის არის შოკის მომგვრელი“.

ლალი ნალიყაშვილი, მანანა ბერიკაშვილის ნათესავი:

,,აღნიშნულ ფაქტს ნამდივლად ჰქონდა ადგილი, ამას არ უარვყოფთ. მათი აზრი, რომ ისინი ხელს არ ადებენ არავის, ეს არასწორია. ამან გამოიწვია ჩემი გაღიზიანება, ბერიკაშვილებისკენ ხელის გამოშვერამ. უაპელაციოდ, ყოველგვარი შელამაზების გარეშე, პირდაპირ ამხილეს - ,,ქართულმა ოცნებამ“ და დღევანდელმა ხელისუფლებამ მოკლა ბავშვი. ბოლო განცხადებებს წინ უძღვოდა ბატონი ღვინიაშვილის და რაფალიანცების განცხადებები, რომელიც ძალიან იდენტური იყო“.