ქართველი მორაგბე ინგლისში ითამაშებს. „სეილ შარკსის“ ღირსებას საქართველოს ნაკრების წევრი შალვა მამუკაშვილი დაიცავს. ინგლისური მედია აქტიურად საუბრობს 23 წლის ქართველი მორაგბის ინგლისში გადასვლაზე.

შალვა მამუკაშვილმა „მოამბესთან“ საუბარში განაცხადა, რომ კლუბთან ერთწლიან კონტრაქტს ხელი უკვე მოაწერა.

„ჩემი კარიერული წინსვლისთვის ეს შესანიშნავი შანსია და ამის გამოუყენებლობა არ შეიძლება. სწრაფად მოხდა ეს ყველაფერი. ინგლისის პრემეირშიპის ერთერთი წამყვანი გუნდია და კონკურენცია იქნება ძალიან მაღალი“, - განაცხადა მამუკაშვილმა.