კინომსახიობთა თეატრს ედინბურგის საერთაშორისო ფესტივალზე გამარჯვებას ულოცავენ. თავად ქეთი დოლიძე კი ფეისბუქის საკუთარ გვერდზე შემდეგი სახის სტატუსს აქვეყნებს.

ქეთი დოლიძე: „ვიცოდი! ვიცოდი! ვიცოდი, რომ ამით დაგვირგვინდებოდა ჩვენი, უფრო სწორედ ჩემი დიდი რწმენა, რომ გავიმარჯვებდით!!!!!!!!! (ყველასგან პატიებას ვითხოვ ამპარტავნობისთვის). ვულოცავ ჩვენს თეატრს, ვულოცავ მთელ დასს, უკლებლივ ამ აღიარებას! ამ გამარჯვებას ჩემი დიდი პედაგოგის, მიხეილ თუმანიშვილის ხსოვნას ვუძღვნი!!!!

„The Stage Award: for Acting Excellence, awarded to the entire ensemble of Animal Farm" - აი ეს დიდი ჯილდო მივიღეთ დღეს. ყველაზე პრესტიჟულმა ჟურნალმა ”სტეიჯმა”- მოგვანიჭა ჯილდო - ”საუკეთესო დასი, საშემსრულებლო ხელოვნებაში სრულყოფილებისთვის”!

გთავაზობთ გაზეთ "სთეიჯის" (The Stage) თეატრის კრიტიკოსთა ედინბურგის ჯგუფის თავჯდომარის, ნიკ ოდის სიტყვას, რომელიც მან მიხეილ თუმანიშვილის კინომსახიობთა თეატრის დაჯილდოვებისას წარმოსთქვა:
„სთეიჯი" დაარსდა 1880 წელს და დღემდე ბრიტანეთის თეატრალური დარგის წამყვან გაზეთად ითვლება.

ნიკ ოდი: "სთეიჯის" ნომინაცია სამსახიობო ხელოვნებისთვის ერთადერთია რომლითაც ედინბურგის ფესტივალზე სამსახიობო ხელოვნება ჯილდოვდება.
მოხარული ვარ, რომ ჩვენი ჟიურის გადაწყვეტილება ერთსულოვანი იყო - თქვენთვის, როგორც დასისთვის, ამ ჯილდოს მინიჭებისთვის, თქვენს მიერ წარმოდგენილი "ცხოველების ფერმის" შთამბეჭდავი შესრულებისთვის.
პატივი მაქვს "სთეიჯის" სახელით გადმოგცეთ ეს ჯილდო თქვენ, თუმანიშვილის სახელობის კინომსახიობთა თეატრის დასს... გილოცავთ!"